《東大門韓燒放題🔥🍖》
喺旺角區一向多放題，雖然草根胃容納唔算多，但間中總想滿足一下任食嘅心理😝今次就去試試東大門嘅韓燒放題。
.
韓燒方面比較港式，所以有金菇肥牛🐂、多春魚🐟，仲有d泰式系列，配料大概有30款，選擇都唔少。整體上，肉類質素比想像中高😍！肉類大部分預先調過味，肉質軟腍入味，而且唔會有雪味。草根特別中意牛肋骨🐃同泰式豬頸肉🐷。但可能我哋燒到五花腩太乾，就有啲硬😭。
.
自助區有炸物、壽司、韓式前菜、甜品、湯同水果。炸物好多都預先炸起，所以就會凍咗，唔及即炸即食咁正，不過有驚喜嘅係炸饅頭好好食!❤加埋煉奶真係一流呀！店員提我地仲有三文魚刺身可以拎，份量俾得好闊綽，三文魚唔腥，最好係一開始就食咁就最新鮮。
.
甜品方面，椰汁糕同椰汁西米芋頭糕🥥好好食，不過芒果糯米飯🍚就可以再柔軟啲。仲有個熱糖水，西米南瓜露🎃好有驚喜！去到要試呀！
.
9點幾人流仍然幾旺，店員會幫你換盤又會教我地燒，服務都幾好👍食物方面肉類不錯，始終係主打韓燒，肉類自然比熟食好，以$200左右嘅價錢都係抵食嘅～一大班朋友要聚會都可以考慮一下啊。
@ddm_hk @ 東大門韓國料理
Search